حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

بے رخی ناروا نہیں نہ سہی

غزل| مجنوںؔ گورکھپوری انتخاب| بزم سخن

بے رخی ناروا نہیں نہ سہی
میرے شکوے بجا نہیں نہ سہی
دل ہی میرا بلا کا پتلا ہے
زلف دامِ بلا نہیں نہ سہی
میں ہی ذوقِ وفا سے عاری ہوں
خیر تم بے وفا نہیں نہ سہی
مان لیتا ہوں سب قصور میرا ہے
کچھ تمہاری خطا نہیں نہ سہی
آپ کے گیسوؤں کی عمر دراز
میرے نالے رسا نہیں نہ سہی
درد کا ماجرا تو سن لیتے
درد کی کچھ دوا نہیں نہ سہی
دل کی وسعت بھی کم نہیں مجنوںؔ
غم کی کچھ انتہا نہیں نہ سہی

پچھلا کلام | اگلا کلام

شاعر کا مزید کلام