حمد نعت غزل نظم قطعات ترانے مناجات بزم مزاح گیت ادب اطفال رباعی آزاد نظم

فہرست ردیف

منتخب کلام کی ردیف کے آخری حرف کی ترتیب پر فہرست

چشمِ گریاں میں وہ سیلاب تھے اے یار کہ بس

غزل| احمد فرازؔ انتخاب| بزم سخن

چشمِ گریاں میں وہ سیلاب تھے اے یار کہ بس

گرچہ کہتے رہے مجھ سے مرے غم خوار کہ بس

زندگی تھی کہ قیامت تھی کہ فرقت تیری

ایک اک سانس نے وہ وہ دیے آزار کہ بس

اس سے پہلے بھی محبت کا قرینہ تھا یہی

ایسے بے حال ہوئے ہیں مگر اس بار کہ بس

اب وہ پہلے سے بلا نوش و سیہ مست کہاں

اب تو ساقی سے یہ کہتے ہیں قدح خوار کہ بس

لوگ کہتے تھے فقط ایک ہی پاگل ہے فرازؔ

ایسے ایسے ہیں محبت میں گرفتار کہ بس

پچھلا کلام | اگلا کلام

شاعر کا مزید کلام

کیوں نہ ہم عہدِ رفاقت کو بھلانے لگ جائیں

میری تنہائی میں مجھ سے گفتگو کرتا ہے کون

قربتوں میں بھی جدائی کے زمانے مانگے

اس نے سکوتِ شب میں بھی اپنا پیام رکھ دیا

چشمِ گریاں میں وہ سیلاب تھے اے یار کہ بس