حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

مری صفات کا جب اس نے اعتراف کیا

غزل| غلام مرتضی راہیؔ انتخاب| بزم سخن

مری صفات کا جب اس نے اعتراف کیا
بجائے چہرے کے آئینہ میں نے صاف کیا
چھپا تھا ہیرا کوئی راستے کے پتھر میں
ہماری ٹھوکروں نے اس کا انکشاف کیا
موافقت میں چلی تھی مرے سفینے کی
ہوا نے بیچ سمندر میں اختلاف کیا
گہر بنا کے صدف نے اسے نکالا ہے
کبھی جو بوند نے دریا سے انحراف کیا

زمین گھومتی ہے جیسے اپنے محور پر
خود اپنی ذات کا میں نے یوں ہی طواف کیا

پچھلا کلام | اگلا کلام

شاعر کا مزید کلام