حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

بے نور سی آنکھیں ہیں تو خاموش زباں ہے

غزل| عبد القوی ضیاؔ انتخاب| بزم سخن

بے نور سی آنکھیں ہیں تو خاموش زباں ہے
یہ کیفِ بہاراں تو نہیں خوفِ خزاں ہے
اب چاند پہ پہنچے ہیں قدم اہلِ زمیں کے
اب چاند ہی گم گشتہ سی عظمت کا نشاں ہے
سنسان سی گلیاں ہیں تو چپ چاپ سی راہیں
ایسے ہی کسی شہر میں اپنا بھی مکاں ہے
بے برگ سے اشجار ہیں بے رنگ شگوفے
اس صحنِ چمن پر تو بیاباں کا گماں ہے
جو بھی ہے عمارت وہ دھنسی جائے زمیں میں
یہ شہرِ طرب تو نہیں اک اندھا کنواں ہے
جب بھی تجھے پرکھا ہے تو یہ جانا ہے ہم نے
اک دور تلک سلسلۂ وہم و گماں ہے

پچھلا کلام | اگلا کلام

شاعر کا مزید کلام