حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

ہر اک شاخِ چمن پر تو ہی تو ہے

غزل| ابن حسؔن بھٹکلی انتخاب| بزم سخن

ہر اک شاخِ چمن پر تو ہی تو ہے
ترا جلوہ ہی جلوہ کو بہ کو ہے
ترا ہی عکس رقصاں ہے نظر میں
تو ہی ساقی تو ہی جام و سبو ہے
چمن کی ہر کلی تجھ پر ہے نازاں
پرندوں کو بھی تیری جستجو ہے
ترا چہرہ ہے گویا ماہِ انور
شفق کا رنگ ہے تو گل کی بو ہے
تجھے بلبل کہوں میں یا پپیہا
تو خوش الحان ہے تو خوش گلو ہے
نظر آتی ہے جب خوش رنگ تتلی
گماں ہوتا ہے تو ہی روبرو ہے
غزل ابنِ حسؔن کی ہے یہ مانا
مگر ہر شعر میں بس تو ہی تو ہے

پچھلا کلام | اگلا کلام

شاعر کا مزید کلام