حمد نعت غزل نظم قطعات ترانے مناجات بزم مزاح گیت ادب اطفال رباعی آزاد نظم

فہرست ردیف

منتخب کلام کی ردیف کے آخری حرف کی ترتیب پر فہرست

شوق سے ناکامی کی بدولت کوچۂ دل ہی چھوٹ گیا

غزل| فانیؔ بدایونی انتخاب| بزم سخن

شوق سے ناکامی کی بدولت کوچۂ دل ہی چھوٹ گیا

ساری امیدیں ٹوٹ گئیں دل بیٹھ گیا جی چھوٹ گیا

فصلِ گل آئی یا اجل آئی کیوں درِ زنداں کھلتا ہے

کیا کوئی وحشی اور آپہنچا یا کوئی قیدی چھوٹ گیا

لیجئے کیا دامن کی خبر اور دستِ جنوں کو کیا کہیئے

اپنے ہی ہاتھ سے دل کا دامن مدت گذری چھوٹ گیا

منزلِ عشق پہ تنہا پہنچے کوئی تمنا ساتھ نہ تھی

تھک تھک کر اس راہ میں آخر اک اک ساتھی چھوٹ گیا

اس نے عدو کا سوگ کیا یاں اس سے وفا کی آس بندھی

داغِ تمنا رنگِ حنا کی دیکھا دیکھی چھوٹ گیا

فانیؔ ہم تو جیتے جی وہ میت ہیں بے گور و کفن

غربت جس کو راس نہ آئی اور وطن بھی چھوٹ گیا

پچھلا کلام | اگلا کلام

شاعر کا مزید کلام

اک فسانہ سن گئے اک کہہ گئے

اک معمہ ہے سمجھنے کا نہ سمجھانے کا

تہِ خنجر بھی جو بسمل نہیں ہونے پاتے

دنیائے حسن و عشق میں کس کا ظہور تھا

ابتدائے عشق ہے لطفِ شباب آنے کو ہے