حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

درد کا جب تک مزا حاصل نہ تھا

غزل| ارمؔ لکھنوی انتخاب| بزم سخن

درد کا جب تک مزا حاصل نہ تھا
دل کہے جانے کے قابل دل نہ تھا
ہائے ان مجبوریوں کو کیا کروں
میں بھی خود فریاد کے قابل نہ تھا
بھیک رکھ لو جو دعائیں دے گیا
وہ فقیرِ عشق تھا سائل نہ تھا
او لٹانے والے گلہائے کرم
سب کا دل تھا کیا ہمارا دل نہ تھا
جاں بری مشکل بھی ہم کو اے ارمؔ
وہ بچا لیتے تو کچھ مشکل نہ تھا

پچھلا کلام | اگلا کلام

شاعر کا مزید کلام