غنیمت ہے یہی شاید کہ زخمِ دل ہے نادیدہ

پڑے ہیں اس کی راہوں میں ہزاروں غنچۂ چیدہ

ذرا دامن کو چھولیجے تو ہو جاتے ہو رنجیدہ

کبھی مدہوش متوالے کبھی بنتے ہو فہمیدہ

چھپایا ہی نہیں جاتا خمارِ شوقِ پوشیدہ

ترے کوچے میں اٹھتے ہیں قدم لغزیدہ لغزیدہ

وہ بیٹھے ہیں خفا ہو کر بڑے سنجیدہ سنجیدہ

کچھ اپنے دل سے ہوتے ہیں سخن پوشیدہ پوشیدہ

وہی اک حسنِ بے پیکر وہی ایک دست بے دیدہ

صنم ہیں میرے بت خانے کے اب تک نا تراشیدہ

رہا ہر رنگ دھندلا سا رہا ہر روپ پوشیدہ

نہ اترا زندگی بھر میں خمارِ چشمِ خوابیدہ

عجب کیا راہ ہستی پر اگر ہیں پاؤں لغزیدہ

سراسیمہ چلے آئے تھے یوں ہی اٹھ کے طلبیدہ

رواں ہے سازِ دل پر زخم در کا دست نادیدہ

ٹھہر جائے گا آخر رفتہ رفتہ تارِ لرزیدہ