حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

بجلی کی زد سے دور نہ خوفِ خزاں سے دور

غزل| مہندرسنگھ بیدی سحرؔ انتخاب| بزم سخن

بجلی کی زد سے دور نہ خوفِ خزاں سے دور
ہم ہیں تو آشیاں میں مگر آشیاں سے دور
داغِ دل و جگر کی نوازش نہ پوچھیۓ
یہ گلستاں ہے رسمِ بہار و خزاں سے دور
پہنچے ہیں اس مقامِ محبت پہ ہم کہ اب
سجدہ ہمیں روا ہے ترے آستاں سے دور
دیر و حرم کو چھوڑ بھی آگے نظر بڑھا
حدِ نظر ہے وسعتِ کون و مکاں سے دور
جورِ فلک نے خاک نشینوں میں کر دیا
ہم سے زمیں ہے دور نہ ہم آسماں سے دور
گھیرا ہے ان کی مانگ کو زلفوں نے کس طرح
یہ شب کی ظلمتیں رہیں کیوں کہکشاں سے دور

ہے ہر طرح سے عشق میں مٹی سحرؔ خراب
کوئے بتاں میں چین نہ کوئے بتاں سے دور

پچھلا کلام | اگلا کلام

شاعر کا مزید کلام