حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

نامہ بر آتے رہے جاتے رہے

غزل| مہندرسنگھ بیدی سحرؔ انتخاب| بزم سخن

نامہ بر آتے رہے جاتے رہے
ہجر میں یوں دل کو بہلاتے رہے
یہ بھی کیا کم ہے کہ میرے حال پر
دیر تک وہ غور فرماتے رہے
شدتِ احساسِ تنہائی نہ پوچھ
ہم بھری محفل میں گھبراتے رہے
ہجر کی تاریکیاں بڑھتی گئیں
مہر و مہ آتے رہے جاتے رہے
کوئی کیا جانے گا یہ راز و نیاز
دل ہمیں ہم دل کو سمجھاتے رہے
منزلِ مقصود پر پہنچے وہی
راہ میں جو ٹھوکریں کھاتے رہے
نشۂ مے تیز تر ہوتا گیا
شیخ صاحب وعظ فرماتے رہے
کیا عجب شے ہے متاعِ دل سحرؔ
جو اسے کھوتے رہے پاتے رہے

پچھلا کلام | اگلا کلام

شاعر کا مزید کلام