حمدنعتغزلنظمقطعاتترانےمناجاتبزم مزاحگیت
فہرست ردیف
منتخب کلام کی ردیف کے آخری حرف کی ترتیب پر فہرست

نہ تم ملے تو پھر اسرارِ جاں ملے بھی تو کیا

غزل| جگن ناتھ آزاؔد انتخاب| بزم سخن

نہ تم ملے تو پھر اسرارِ جاں ملے بھی تو کیا
یقین ملے بھی تو کیا یا گماں ملے بھی تو کیا
کسی نے بھی نہ دیا ساتھ عمر بھر کے لئے
رہِ سفر میں دو اک ہم زباں ملے بھی تو کیا
نہ کوئی شاخ تھی اپنی نہ آشیاں اپنا
چمن میں ہم کو کہیں آشیاں ملے بھی تو کیا
وہ آستاں نہ رہا قسمتِ جبیں میں تو پھر
قدم قدم پہ نئے آستاں ملے بھی تو کیا
تری نظر میں سر افراز ہو سکوں نہ اگر
تو شہرتوں کے مجھے آسماں ملے بھی تو کیا
کسی نے بھی نہ جب اپنے وطن میں پہچانا
دیارِ غیر سے مہر و نشاں ملے بھی تو کیا

پچھلا کلام | اگلا کلام

شاعر کا مزید کلام