ظفرؔ اقبال

میاں ظفر اقبال

پاکستان کے معروف شاعر اور کالم نگار اور معاصر جدید اردو غزل کے اہم ترین شاعر جناب ظفر اقبال کا اصل نام میاں ظفر اقبال اور تخلص ظفر ہے۔

آپ 27/ ستمبر 1932ء کو بہاول نگر میں پید اہوئے ، ابتدائی تعلیم بہاول نگر اور پھر اوکاڑہ میں حاصل کی ، آپ نے بی اے کی تعلیم گورنمنٹ کالج لاہور ، اور ایل ایل بی کا امتحان پنجاب یونیورسٹی کے لاء کالج سے پاس کیا اور پیشۂ وکالت سے وابستہ ہیں۔

زمانہ طالب علمی ہی سے شعر گوئی کا شوق تھا اور استاد بھی شاعر ہی ملے تھے لہذا ان کی ریاضت جاری رہی اور اچھی خاصی پذیرائی بھی ملتی رہی جس سے آپ نے اپنی ایک پہچان بنا لی اور آج بھی ایک خاصا وسیع حلقہ رکھتے ہیں ، آپ کا پہلا شعری مجموعہ "آب رواں" عوام و خواص میں مقبول ہوا ، دیگر "خشت زعفران" ، "ہرے ہنیرے" ، "گل آفتاب" ، "رطب و یابس" ، "سر عام" ، "نوادر" ، "تفاوت"، "غبار آلود سمتوں کا سراغ" ، "عیب و ہنر" ، "وہم و گمان" ، "اطراف" ، "تجاوز" ، "تساہل" ، "اب تک" (کلیات غزل کے تین حصے) شائع ہوئے ہیں۔

---

ظفرؔ اقبال کا منتخب کلام

• بیٹھے رہے اور بن نہ سکی بات ہماری
• نہیں کہ ملنے ملانے کا سلسلہ رکھنا
• حسن کے انکار سے بھی کچھ تو پردہ رہ گیا
• غریبِ شہر ہوں سڑکوں پہ ہے سفر میرا
• خاموشی اچھی نہیں انکار ہونا چاہئے
• وہ سراپا سامنے ہے استعارے مسترد