مجھے پیار کرتے ہو کرتے رہو پر کبھی بھی جتانے کی کوشش نہ کرنا

کہ خوشبو ہوں میں مجھ کو محسوس کرنا کبھی مجھ کو پانے کی کوشش نہ کرنا

یہ آنکھیں بہت دور تک دیکھتی ہیں حقیقت سے واقف ہیں اچھی طرح سے

مجھے لے کے سپنے جو بُنتے ہو بُن لو مگر سچ بنانے کی کوشش نہ کرنا

یہ مانا بہت دور ہے میری منزل مگر مجھ کو تنہا پہنچنا وہاں ہے

گھڑی دو گھڑی ساتھ چل پاوؤ چلنا جنم بھر نبھانے کو کوشش نہ کرنا

مجھے سے چُرا کر کے میری ادائیں مجھے ہی ستاتے ہو میری طرح سے

ستانا ہے مجھ کو تو جی بھر ستا لو مگر آزمانے کی کوشش نہ کرنا

سنا تھا کبھی پیار مرتا نہیں ہے جو مرتا نہیں ہے تو جاتا کہاں ہے

یہاں ہے وہاں ہے وہ سچ مچ کہاں ہے مجھے یہ بتانے کی کوشش نہ کرنا