حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

دلِ آشفتہ پہ الزام کئی یاد آئے

غزل| جمیل الدین عالیؔ انتخاب| بزم سخن

دلِ آشفتہ پہ الزام کئی یاد آئے
جب ترا ذکر چھڑا نام کئی یاد آئے
تجھ سے چھٹ کربھی گذرتی سو گذاری لیکن
لمحہ لمحہ سحر و شام کئی یاد آئے
ہائے نوعمر ادیبوں کا یہ اندازِ بیاں
اپنے مکتوب ترے نام کئی یاد آئے
آج تک مل نہ سکا اپنی تباہی کا سراغ
یوں ترے نامہ و پیغام کئی یاد آئے
کچھ نہ تھا یاد بجز کارِ محبت اک عمر
وہ جو بگڑا ہے تو اب کام کئی یاد آئے
خود جو لب تشنہ تھے جب تک کوئی یاد نہ تھا
پیاس بجھتے ہی تہی جام کئی یاد آئے
کس قدر سادہ و بے باک ہے عالیؔ کہ ہمیں
اس پہ لگتے تھے جو الزام کئی یاد آئے

پچھلا کلام | اگلا کلام

شاعر کا مزید کلام