حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

جستجو کرنے سے کوئی آشنا ملتا نہیں

غزل| باقرؔ مہدی انتخاب| بزم سخن

جستجو کرنے سے کوئی آشنا ملتا نہیں
رفتہ رفتہ زندگی کا کچھ پتا ملتا نہیں
ابنِ آدم کا عجب قصہ ہے ارضِ شوق میں
ڈھونڈتے صدیوں سے ہیں لیکن خدا ملتا نہیں
ہر طرف پہلا ہوا ہے کاروبارِ زندگی
راستے بکھرے پڑے ہیں نقشِ پا ملتا نہیں
کس سے شکوہ کیجیے حاکم تو کچھ سنتا نہیں
شور ہے ایسا کہ کوئی ہم نوا ملتا نہیں
خانقاہوں میں ابھی تک رقصِ بسمل ہے روا
زخم پنہاں ہیں سراغِ بے نوا ملتا نہیں
فردِ واحد ہے اسے کیوں کارواں کی فکر ہو
ایک ہجومِ بے نوا کو رہنما ملتا نہیں
کتنی تیزی سے بدلتا ہے زمانہ جان لو
اب کتابوں میں کہیں حرفِ وفا ملتا نہیں
رات دن باقرؔ تجھے رہتی ہے بس فکرِ سخن
آتشِ سیّال میں بھی اب مزہ ملتا نہیں

پچھلا کلام | اگلا کلام

شاعر کا مزید کلام