حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

بتاؤں کیا کہ میرے دل میں کیا ہے

غزل| عزیزؔ لکھنوی انتخاب| بزم سخن

بتاؤں کیا کہ میرے دل میں کیا ہے
سوا تیرے تری محفل میں کیا ہے
یہاں بھی تجھ کو تنہا میں نے پایا
تو ہی تو ہے بھری محفل میں کیا ہے
کسی کے بجھتے دل کی ہے نشانی
چراغِ سرحدِ منزل میں کیا ہے
بجز نقشِ پشیمانیٔ قاتل
نگاہِ حسرتِ بسمل میں کیا ہے
جفاؤں کی بھی حد ہوتی ہے کوئی
خدا معلوم اس کے دل میں کیا ہے
مآلِ ہستیٔ موہوم معلوم
عزیزؔ اس شغلِ لا حاصل میں کیا ہے

پچھلا کلام | اگلا کلام

شاعر کا مزید کلام