حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

اب کوئی آرزو نہیں ذوقِ پیام کے سوا

غزل| حفیظؔ ہوشیار پوری انتخاب| بزم سخن

اب کوئی آرزو نہیں ذوقِ پیام کے سوا
اب کوئی جستجو نہیں شوقِ سلام کے سوا
کوئی شریکِ غم نہیں اب تیری یاد کے سوا
کوئی انیسِ دل نہیں اب تیرے نام کے سوا
کاہشِ آرزو سہی حاصلِ زندگی مگر
حاصلِ آرزو ہے کیا سوزِ مدام کے سوا
آہ کوئی نہ کر سکا چارۂ تلخیِ فراق
نالۂ صبح کے بغیر گریۂ شام کے سوا
تیری نگاہِ مست سے مجھ پہ یہ راز کھل گیا
اور بھی گردشیں ہیں کچھ گردشِ جام کے سوا
رنگ بہارِ پر نہ پھول بوئے چمن سے درگزر
یہ بھی ہیں خوش نما فریب دانہ و دام کے سوا

مر کے حیاتِ جاوداں عشق کو مل گئی حفیظؔ
جی کے ہوش کو کیا ملا مرگِ دوام کے سوا

پچھلا کلام | اگلا کلام

شاعر کا مزید کلام