حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

تشنہ ساماں غرقِ حیرت مست دریا نوش بھی

غزل| حفیظؔ ہوشیار پوری انتخاب| بزم سخن

تشنہ ساماں غرقِ حیرت مست دریا نوش بھی
ایک عالم میں ہیں اہلِ ہوش بھی بے ہوش بھی
جلوۂ گل کی لپک ہے آشیاں تا آشیاں
اک بھبوکا بن گئی یہ آتشِ خاموش بھی
دوستو راہِ وفا کچھ اس قدر مشکل نہ تھی
دو قدم تو کاش تم چلتے مرے ہمدوش بھی
جلوہ فرمائی کا ہر انداز تھا محبوب تر
سامنے آتے رہے ہوتے رہے روپوش بھی
اہلِ غم غم کھاتے کھاتے پختۂ غم ہو گئے
اب تلافی کیا کرے گا بادۂ سر جوش بھی
زندگی میں آج بھی اُن کے سوا کیا کچھ نہیں
لذتِ کام و دہن بھی عیشِ چشم و گوش بھی

فرقِ حسن و عشق سمٹ کر ہی رہا آخر حفیظؔ!
اُن سے غافل ہو گئے ہم سے محبت کوش بھی

پچھلا کلام | اگلا کلام

شاعر کا مزید کلام