حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

ایک اک حرف سمیٹو مجھے تحریر کرو

غزل| یاسمین حمید انتخاب| بزم سخن

ایک اک حرف سمیٹو مجھے تحریر کرو
مری یکسوئی کو آمادۂ زنجیر کرو
سب خد و خال مرے دھند ہوئے جاتے ہیں
صبح کے رنگ سے آؤ مجھے تصویر کرو
جیتنا میرے لئے کرب ہوا جاتا ہے
مرے پندار کو توڑو مجھے تسخیر کرو
اس عمارت کو گرا دو جو نظر آتی ہے
مرے اندر جو کھنڈر ہے اسے تعمیر کرو

اب مری آنکھ سے لے لو خلشِ بینائی
یا مرے خواب کو شرمندۂ تعبیر کرو

پچھلا کلام | اگلا کلام

شاعر کا مزید کلام