حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

اب عالمِ تغافلِ پنہاں کچھ اور ہے

غزل| روشؔ صدیقی انتخاب| بزم سخن

اب عالمِ تغافلِ پنہاں کچھ اور ہے
ہر لمحہ اضطراب کا عنواں کچھ اور ہے
ہے یوں تو ہر نشاط قدم بوسِ عاشقاں
لیکن اشارۂ غم جاناں کچھ اور ہے
یہ داستاں نہیں رخ و گیسو پہ منحصر
افسانۂ جمال کا عنواں کچھ اور ہے
ہر چند جامِ مرگ بھی ہے راحت آفریں
اے دردِ زندگی تیرا درماں کچھ اور ہے
الطاف برملا کی تو کیا بات ہے مگر
رعنائیِ نوازشِ پنہاں کچھ اور ہے
بیتابیٔ خرد ہے نہ بیباکیٔ جنوں
اے دوست رازِ چاکِ گریباں کچھ اور ہے
زاہد ترا نشیمنِ ایماں بھی ہے بلند
لیکن مرا تصورِ ایماں کچھ اور ہے
بر حق مسرتِ سر و ساماں مگر روشؔ
لطفِ حیات بے سر و ساماں کچھ اور ہے

پچھلا کلام | اگلا کلام

شاعر کا مزید کلام