حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

موسمِ ہجر ہے اک کوہِ گراں کیا سمجھے

غزل| شاہدؔ ماہلی انتخاب| بزم سخن

موسمِ ہجر ہے اک کوہِ گراں کیا سمجھے
عشق ہے کھیل نہیں ہے یہ میاں کیا سمجھے
جس پہ گزری ہے وہ سمجھے گا گراں بارئ شب
داورِ صبح بجز آہ و فغاں کیا سمجھے
محشرِ زخم نمائی میں مسیحائی کیا
نشترِ وقت بھلا دردِ نہاں کیا سمجھے
کیوں اٹھا کرتا ہے افسردہ گھروں سے سرِ شام
انجمِ صبح اداسی کا دھواں کیا سمجھے

کیوں سسکتا ہے ہر ایک کوچہ و در رات گئے
مسکراتا ہوا یہ شہرِ بتاں کیا سمجھے

پچھلا کلام | اگلا کلام

شاعر کا مزید کلام