حمد نعت غزل نظم قطعات ترانے مناجات بزم مزاح گیت ادب اطفال رباعی آزاد نظم

فہرست ردیف

منتخب کلام کی ردیف کے آخری حرف کی ترتیب پر فہرست

شکستہ حال تمناؤں کا عذاب نہ دے

غزل| شاہدؔ ماہلی انتخاب| بزم سخن

شکستہ حال تمناؤں کا عذاب نہ دے

متاعِ درد بہت ہے اب اضطراب نہ دے

سیاہ رات کی تنہایاں گوارہ نہیں

جو ہو سکے تو سحر دے سنہرے خواب نہ دے

میں ٹوٹ ٹوٹ گیا انتظارِ فردا میں

شہابِ آخرِ شب دے جو آفتاب نہ دے

بتا دے صبح کی بیچارگی کا کوئی مآل

ہزاروں جاگتی راتوں کا گر حساب نہ دے

یہ کیسے شہرِ خموشاں میں آ گئے شاہدؔ

سوال پوچھتے جاؤ کوئی جواب نہ دے

پچھلا کلام | اگلا کلام

شاعر کا مزید کلام

بوئے پیراہنِ وفا آئے

شکستہ حال تمناؤں کا عذاب نہ دے

غم کی تہذیب اذیت کا قرینہ سیکھیں

موسمِ ہجر ہے اک کوہِ گراں کیا سمجھے

ہر مرحلے سے یوں تو گزر جائے گی یہ شام