حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

شکوہ مرا شرمندۂ احساں سا لگے ہے

غزل| ملک زادہ منظورؔ انتخاب| بزم سخن

شکوہ مرا شرمندۂ احساں سا لگے ہے
جب تیرا تغافل بھی پشیماں سا لگے ہے
اب برق کا کیا ذکر کہ خود شعلۂ گل بھی
جلتا ہے نشیمن تو چراغاں سا لگے ہے
تعبیر کو کیا روئیں کہ اس دورِ خرد میں
جو خواب ہے وہ خوابِ پریشاں سا لگے ہے
اس طرح سے آئی ہے بہار اپنے چمن میں
گُلچیں ہو کہ گل چاک گریباں سا لگے ہے
آئینۂ مہتاب میں ہنستا ہوا چہرہ
آئینۂ ایّام میں حیراں سا لگے ہے

پچھلا کلام | اگلا کلام

شاعر کا مزید کلام