حمد نعت غزل نظم قطعات ترانے مناجات بزم مزاح گیت ادب اطفال رباعی آزاد نظم

فہرست ردیف

منتخب کلام کی ردیف کے آخری حرف کی ترتیب پر فہرست

زندگی دی ہے تو جینے کا ہنر بھی دینا

غزل| معراجؔ فیض آبادی انتخاب| بزم سخن

زندگی دی ہے تو جینے کا ہنر بھی دینا

پاؤں بخشیں ہیں تو توفیقِ سفر بھی دینا

گفتگو تو نے سکھائی ہے کہ میں گونگا تھا

اب میں بولوں گا تو باتوں میں اثر بھی دینا

میں تو اس خانہ بدوشی میں بھی خوش ہوں لیکن

اگلی نسلیں تو نہ بھٹکیں انہیں گھر بھی دینا

ظلم اور صبر کا یہ کھیل مکمل ہو جائے

اس کو خنجر جو دیا ہے مجھے سر بھی دینا

پچھلا کلام | اگلا کلام

شاعر کا مزید کلام

یہ دنیا عالمِ وحشت میں کیا کیا چھوڑ دیتی ہے

ہم غزل میں ترا چرچا نہیں ہونے دیتے

مرے تھکے ہوئے شانوں سے بوجھ اتر تو گیا

زندگی دی ہے تو جینے کا ہنر بھی دینا

جھیل آنکھوں کو نہ ہونٹوں کو کنول کہتے ہیں