حمد نعت غزل نظم قطعات ترانے مناجات بزم مزاح گیت ادب اطفال رباعی آزاد نظم

فہرست ردیف

منتخب کلام کی ردیف کے آخری حرف کی ترتیب پر فہرست

وہ ہم سفر تھا مگر اس سے ہم نوائی نہ تھی

غزل| نصیرؔ ترابی انتخاب| بزم سخن

وہ ہم سفر تھا مگر اس سے ہم نوائی نہ تھی

کہ دھوپ چھاؤں کا عالم رہا جدائی نہ تھی

نہ اپنا رنج نہ اوروں کا دکھ نہ تیرا ملال

شبِ فراق کبھی ہم نے یوں گنوائی نہ تھی

محبتوں کا سفر اس طرح بھی گزرا تھا

شکستہ دل تھے مسافر شکستہ پائی نہ تھی

عداوتیں تھیں تغافل تھا رنجشیں تھیں بہت

بچھڑنے والے میں سب کچھ تھا بے وفائی نہ تھی

بچھڑتے وقت اُن آنکھوں میں تھی ہماری غزل

غزل بھی وہ جو کسی کو ابھی سنائی نہ تھی

کسے پکار رہا تھا وہ ڈوبتا ہوا دن

صدا تو آئی تھی لیکن کوئی دہائی نہ تھی

کبھی یہ حال کہ دونوں میں یک دلی تھی بہت

کبھی یہ مرحلہ جیسے کہ آشنائی نہ تھی

عجیب ہوتی ہے راہِ سخن بھی دیکھ نصیرؔ

وہاں بھی آ گئے آخر جہاں رسائی نہ تھی

پچھلا کلام | اگلا کلام

شاعر کا مزید کلام

وہ ہم سفر تھا مگر اس سے ہم نوائی نہ تھی

آخر کو وحشتوں کا سلیقہ سا ہو گیا

زندگی خاک نہ تھی خاک اڑا کے گزری

وہ بے وفا ہے تو کیا مت کہو برا اس کو

صبا کا نرم سا جھونکا بھی تازیانہ ہوا