کبھی اقرار کی باتیں کبھی انکار کی باتیں

یہی ہیں بول الفت کے یہی ہیں پیار کی باتیں

فروزاں خاک کے ذروں سے ہے جلوؤں کی تابانی

زبانِ حال پر دن رات ہیں انوار کی باتیں

جدا ہے اپنا اپنا نظریہ شیخ و برہمن کا

کہیں ہیں نور کی باتیں کہیں ہیں نار کی باتیں

نہیں پروا جو دل ہو جذبۂ اخلاص سے خالی

مگر نوکِ زباں پر رہتی ہیں ایثار کی باتیں

بنا دیں گے جدا ماحول وحشت ناک نظارے

کہ چھیڑو خار زاروں میں گل و گلزار کی باتیں

وفورِ شوق میں کوثرؔ یہ کس کا تذکرہ پیہم

تمنا و صل کی دل میں یہ لب دیدار کی باتیں