حمد نعت غزل نظم قطعات ترانے مناجات بزم مزاح گیت ادب اطفال رباعی آزاد نظم

فہرست ردیف

منتخب کلام کی ردیف کے آخری حرف کی ترتیب پر فہرست

یارب غمِ ہجراں میں اتنا تو کیا ہوتا

غزل| چراغ حسن حسؔرت انتخاب| بزم سخن

یارب غمِ ہجراں میں اتنا تو کیا ہوتا

جو ہاتھ جگر پر ہے وہ دستِ دعا ہوتا

امید تو بندھ جاتی تسکین تو ہو جاتی

وعدہ نہ وفا کرتے وعدہ تو کیا ہوتا

غیروں سے کہا تم نے غیروں سے سنا تم نے

کچھ ہم سے کہا ہوتا کچھ ہم سے سنا ہوتا

اک عشق کا غم آفت اور اس پہ یہ دل آفت

یا غم نہ دیا ہوتا یا دل نہ دیا ہوتا

ناکام تمنا دل اس سوچ میں رہتا ہے

یوں ہوتا تو کیا ہوتا یوں ہوتا تو کیا ہوتا

پچھلا کلام | اگلا کلام

شاعر کا مزید کلام

یارب غمِ ہجراں میں اتنا تو کیا ہوتا

محبّت کس قدر پاس آفریں معلوم ہوتی ہے

اس طرح کر گیا دل کو مرے ویراں کوئی