جگر میں اور کبھی دل میں کسک معلوم ہوتی ہے

کمی ائے دوست! تیری آج تک معلوم ہوتی ہے

مری بزمِ تصور میں یہ کس نے پاؤں رکھے ہیں

کہ ذہن و دل میں پھولوں کی مہک معلوم ہوتی ہے

یقیناً کوچۂ محبوب سے یہ ہو کے آئی ہے

ہوا میں اُن کی زلفوں کی مہک معلوم ہوتی ہے

نہیں ہے جرم جب کوئی حدیثِ دل بیاں کرنا

تو پھر کہنے میں کیوں تم کو جھجھک معلوم ہوتی ہے

خدا حافظ وہ کہہ کر دردؔ کیا رخصت ہوئے ہم سے

اداسی ہی اداسی دور تک معلوم ہوتی ہے