حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

گلہ یہ کیوں کہ مسافر سبک خرام نہیں

غزل| ابو البیان حمادؔ انتخاب| بزم سخن

گلہ یہ کیوں کہ مسافر سبک خرام نہیں
ابھی تو زادِ سفر کا ہی اہتمام نہیں
تضادِ فکر وعمل کی شکار ہے امت
زباں پہ کام کی باتیں عمل سے کام نہیں
خواص ہی کو نہیں دینِ حق سے دلچسپی
مجھے شکایتِ بے دینیٔ عوام نہیں
قرینِ عرشِ بریں تیرا آشیانہ ہے
یہ آب و گل کا گھروندہ ترا مقام نہیں
طلوعِ صبحِ سعادت کا منتظر ہوں میں
شبِ حیات کا کیا اب بھی اختتام نہیں
مرا کلام ہے اس کے کلام کی تفسیر
کلامِ پاک میں جس کا کوئی کلام نہیں

پچھلا کلام | اگلا کلام

شاعر کا مزید کلام