حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

زخمِ دل سوزِ دروں خونِ جگر مانگے ہے

غزل| کیفؔ فوگانوی انتخاب| بزم سخن

زخمِ دل سوزِ دروں خونِ جگر مانگے ہے
ہم سفر راہِ وفا زادِ سفر مانگے ہے
سیم و زر مانگے ہے نَے لعل و گہر مانگے ہے
دل بے تاب محبت کی نظر مانگے ہے
ان کے افکار پہ ہے نزع کا عالم طاری
زندگی ایک نئی فکر و نظر مانگے ہے
جادہ پیما ہوا پھر قافلۂ اہلِ جنوں
عشق پھر سوزِ یقیں دیدۂ تر مانگے ہے
آہ ! انجامِ گل و لالہ و نرگس معلوم
باغباں آپ ہی جب برق و شرر مانگے ہے
چھائی ہے ظلمتِ شامِ غمِ دوراں کب سے
زندگی اک نئی تابندہ سحر مانگے ہے
کیفؔ پھر تازہ کرو رسمِ شہیدانِ وفا
تختۂ دار تمہارا ہی تو سر مانگے ہے

پچھلا کلام | اگلا کلام

شاعر کا مزید کلام