حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

ایک قطرہ نہ کہیں خوں کا بہا میرے بعد

غزل| ہمدمؔ کاشمیری انتخاب| بزم سخن

ایک قطرہ نہ کہیں خوں کا بہا میرے بعد
زنگ آلود ہوئی تیغِ جفا میرے بعد
کیوں ہر اک موڑ پہ ہوتا ہے گھٹن کا احساس
تنگ کیوں ہونے لگی میری فضا میرے بعد
دیکھتے دیکھتے ہی ماند پڑے شمس و قمر
خود سے بیزار ہوئے صبح مسا میرے بعد
ہر طرف زردیٔ رخسار نظر آتی ہے
کہیں روشن نہ ملا رنگِ حنا میرے بعد
رک گیا قافلۂ عمر سبک رو شاید
دیکھ خاموش ہے آوازِ درا میرے بعد
زندگی بھر نہ کیا یاد کسی نے اور اب
پوچھتے ہیں وہ میرے گھر کا پتا میرے بعد
عمر بھر اس کو سنبھالے ہوئے رکھا میں نے
گر نہ جائے کہیں دیوارِ انا میرے بعد
اب بھی کیا اس میں ہے آباد سیاہی ہمدمؔ
میرے ویرانے کا کیا حال ہوا میرے بعد

پچھلا کلام | اگلا کلام

شاعر کا مزید کلام