حمد نعت غزل نظم قطعات ترانے مناجات بزم مزاح گیت ادب اطفال رباعی آزاد نظم

فہرست ردیف

منتخب کلام کی ردیف کے آخری حرف کی ترتیب پر فہرست

حسن جاناں کہ قیامت ہے اٹھائے رکھے

غزل| ناصرؔ امروہوی انتخاب| بزم سخن

حسن جاناں کہ قیامت ہے اٹھائے رکھے

شہر کے شہر کو دیوانہ بنائے رکھے

ایک وہ شخص یہاں تھا تو بڑی رونق تھی

کون اس شہر میں اب شمعیں جلائے رکھے

دل پریشاں تھا مگر جان تمہاری خاطر

چہرہ شاداب رکھا بال بنائے رکھے

ہجر میں حال سے بے حال ہوئے ہیں خود ہی

کس میں ہمت ہے کہ کمرے کو سجائے رکھے

دلِ ناداں کو عجب کام دیا قدرت نے

خانۂ جاں میں سدا شور مچائے رکھے

وہ جو اوجھل ہے نگاہوں سے مگر دل میں ہے

گر وہ چاہے تو مری بات بنائے رکھے

شیوۂ حسن تو انکار ہی ٹھہرا ناصرؔ

عشق کو چاہیئے امید لگائے رکھے

پچھلا کلام | اگلا کلام

شاعر کا مزید کلام

حسن جاناں کہ قیامت ہے اٹھائے رکھے