شاہِ دیںؐ شاہِ اممؐ شاہِ ہدیؐ صلِّ علیٰ

مرحبا صلِّ علیٰ صلِّ علیٰ صلِّ علیٰ

جھوم کر سارے ملائک نے پڑھا صلِّ علیٰ

اور تو اور خدا نے بھی کہا صلِّ علیٰ

جذبۂ شوق نے پہنچایا وہاں پر مجھ کو

ذرے ذرے سے سنی میں نے صدا صلِّ علیٰ

تم رٹو کچھ بھی بھلا اس سے مجھے کیا مطلب

اب وظیفہ ہے مرا صبح و مسا صلِّ علیٰ

کاش ہو نزع کے عالم میں بھی میرے لب پر

نعرۂ صلِّ علیٰ صلِّ علیٰ صلِّ علیٰ

ایسا لگتا ہے کہ کونین بھی پڑھتی ہے درود

اور پڑھتی ہوئی آتی ہے صبا صلِّ علیٰ

ہائے وہ وقت کہ سرکار کے در پر اجملؔ

لبِ لرزیدہ سے میں نے بھی کہا صلِّ علیٰ