حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

یہ ضمیر روشن ہوئی یہ آسماں روشن ہوا

غزل| کیفؔ احمد صدیقی انتخاب| بزم سخن

یہ ضمیر روشن ہوئی یہ آسماں روشن ہوا
میرے دل کی آگ سے سارا جہاں روشن ہوا
رفتہ رفتہ خاک ہو کر رہ گئے دونوں وجود
ایک شعلہ میرے تیرے درمیاں روشن ہوا
ساری دنیا دیکھتی ہے میرے ماتھے کی طرف
دردِ دل چمکا کہاں تھا اور کہاں روشن ہوا
دل میں ایک بجھتا ہوا حرفِ تمنا تھا مگر
داستاں در داستاں در داستاں روشن ہوا
زندگی سے موت تک میں اک سراپا راز تھا
کچھ یہاں روشن ہوا اور کچھ وہاں روشن ہوا
محفلِ دل میں ہمیشہ جلوہ سامانی رہی
بجھ گئی شمعِ تمنا تو دھواں روشن ہوا
آگ تو زیرِ زمیں خاموش ہو کر رہ گئی
صرف اپنی خاک سے یہ خاکداں روشن ہوا
بجھ گیا سارا زمانہ جب طبیعت بجھ گئی
ساری دنیا جگمگائی دل جہاں روشن ہوا

آتشِ تخلیق سے جلنے لگے جب ذہن و دل
کیفؔ صاحب آپ کا طرزِ بیاں روشن ہوا

پچھلا کلام | اگلا کلام

شاعر کا مزید کلام