نہ جانے کیا ہوا کیوں چپ ہیں ہمسائے کئی دن سے

میرے آنگن میں پتھر کیوں نہیں آئے کئی دن سے

یہ کیوں آنے لگی ہیں ہچکیوں پر ہچکیاں ہم کو

یہ لگتا ہے انہیں ہم آج یاد آئے کئی دن سے

کھلے پھول آنسوؤں کے اور نہ زخموں پر بہار آئی

کرم احباب نے ہم پر نہ فرمائے کئی دن سے

نظر آئی ہے ہم میں دوستوں کو کون سی خامی

کہ ہم سے رہتے ہیں کترائے کترائے کئی دن سے

تھا شہرِ امن یہ شہر اے پیامؔ اب کیا ہوا آخر

یہاں چاروں طرف دہشت کے ہیں سائے کئی دن سے