حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

عشق ميں غيرتِ جذبات نے رونے نہ ديا

غزل| سدرشن فاکرؔ انتخاب| بزم سخن

عشق ميں غيرتِ جذبات نے رونے نہ ديا
ورنہ کيا بات تھی کس بات نے رونے نہ ديا
آپ کہتے تھے کہ رونے سے نہ بدليں گے نصيب
عمر بھر آپ کی اس بات نے رونے نہ ديا
رونے والوں سے کہو ان کا بھی رونا رو ليں
جن کو مجبوریٔ حالات نے رونے نہ ديا
تجھ سے مل کر ہميں رونا تھا بہت رونا تھا
تنگیٔ وقتِ ملاقات نے رونے نہ ديا

ايک دو روز کا صدمہ ہو تو رو ليں فاکرؔ
ہم کو ہر روز کے صدمات نے رونے نہ ديا

پچھلا کلام | اگلا کلام

شاعر کا مزید کلام