حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

کب ہوا تاراج برقِ بے اماں کیوں کر ہوا

غزل| نہالؔ سیوہاروی انتخاب| بزم سخن

کب ہوا تاراج برقِ بے اماں کیوں کر ہوا
یہ نہ پوچھو مجھ سے برباد آشیاں کیوں کر ہوا
جزو میں کیوں کر الہی آ گئے اندازِ کل
قطرہ طوفاں زارِ بحرِ بیکراں کیوں کر ہوا
ان کا جلوہ تو ازل سے ہے حجاب اندر حجاب
باعثِ ہنگامۂ کون و مکاں کیوں کر ہوا
جس کی ماہیئت سے ہے ذہنِ ملانک بے خبر
آشنا اس راز سے پیرِ مغاں کیوں کر ہوا
اے کہ تیرا حسن میرے دل میں ہے خلوت نشیں
برگ برگِ لالہ و گل سے عیاں کیوں کر ہوا
ایک مشتِ خاک سے افزوں نہیں میرا وجود
سوچتا ہو حاملِ بارِ گراں کیوں کر ہوا
میں کہ تھے ہفت آسماں چکر میں رفعت سے مری
پائمالِ گردشِ ہفت آسماں کیوں کر ہوا
میں کی تھی میرے لئے پہنائیِ افلاک تنگ
حیرتی ہوں قانعِ یک خاکداں کیوں کر ہوا
میں کہ تھی تخلیق میری خواجگی کو دہر کی
پائے بندِ احترامِ این و آں کیوں کر ہوا
تھا میں صحرائے عدم میں صورتِ کنزِ نہاں
عالمِ ہستی میں خاکِ رائیگاں کیوں کر ہوا
بھا گئی کیوں فطرتِ آزاد کو پابستگی
آدمی مانوسِ زنجیرِ گراں کیوں کر ہوا
اصل ہی جب کچھ نہیں سود و زیانِ دہر کی
گرم یہ ہنگامۂ سود و زیاں کیوں کر ہوا
سازِ گیتی میں نہیں گر غیر از آہنگِ حق
ملتوں میں فرقِ ناقوس و اذاں کیوں کر ہوا
تو کہاں اے غیرتِ مہرِ درخشاں ہم کہاں
خاکساروں پر محبت کا گماں کیوں کر ہوا

جانتے تھے اہلِ تقوی سے تجھے ہم اے نہالؔ
یہ بتا سرخیلِ رندانِ جہاں کیوں کر ہوا

پچھلا کلام | اگلا کلام

شاعر کا مزید کلام