حمد نعت غزل نظم قطعات ترانے مناجات بزم مزاح گیت ادب اطفال رباعی آزاد نظم

فہرست ردیف

منتخب کلام کی ردیف کے آخری حرف کی ترتیب پر فہرست

میں جتنی دیر تری یاد میں اداس رہا

غزل| بشیؔر فاروقی انتخاب| بزم سخن

میں جتنی دیر تری یاد میں اداس رہا

بس اتنی دیر مرا دل بھی میرے پاس رہا

عجب سی آگ تھی جلتا رہا بدن سارا

تمام عمر وہ ہونٹوں پہ بن کے پیاس رہا

مجھے یہ خوف تھا وہ کچھ سوال کر دے گا

میں دیکھ کر بھی اُسے اس سے ناشناس رہا

تمام رات عجب انتشار میں گزری

تصورات میں دہشت رہی ہراس رہا

گلے لگا کے سمندر حسین کشتی کو

سکوتِ تیرہ فضائی میں بدحواس رہا

بشیؔر میں اسے کس طرح بے وفا کہہ دوں

نگاہ بن کے جو اس دل کے آس پاس رہا

پچھلا کلام | اگلا کلام

شاعر کا مزید کلام

میں جتنی دیر تری یاد میں اداس رہا