میاں بس فون پر ہی گفتگو اُس سے مزا دے ہے

مگر ملئے تو ایسا ڈانٹ دے ہے دل ہلا دے ہے

ہمیشہ میرے ارمانوں کی وہ قیمت گرا دے ہے

میں رس گلا اگر مانگوں تو مجھ کو گُلگُلا دے ہے

میں کیا بولوں مرا کهایا پیا سب کچھ بهلا دے ہے

اسے مکهن لگاؤں ہوں تو وہ تهپڑ لگا دے ہے

میں اس کے پاؤں پکڑوں ہوں مجهے محفل میں رہنے دے

وہ پکڑے ہے مرے کان اور محفل سے اٹها دے ہے

مجهے دیکهے ہے سر سے پاؤں تک اظہارِ الفت پر

ہنسی روکے ہے تهوڑی دیر اور پهر کهلکهلا دے ہے

پولیس آتی ہے کرفیو لگتا ہے بندوق چلتی ہے

وہ ظالم جس طرف آنکهیں اٹها کر مسکرا دے ہے

مہذّب لوگ بهی سن کر بہت محظوظ ہوتے ہیں

میاں طارقؔ کی تُک بندی تو ان کو بهی مزا دے ہے