حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

کیا کیا مرے دل پر شبِ ہجراں نہیں ہوتا

غزل| بیخودؔ دہلوی انتخاب| بزم سخن

کیا کیا مرے دل پر شبِ ہجراں نہیں ہوتا
میرا ہی جگر ہے کہ پریشاں نہیں ہوتا
آپ اپنی تمنا کی خلش پوچھئے دل سے
ایسا تو کھٹکتا ہوا پیکاں نہیں ہوتا
وہ غیر ہے جس پر ترے الطاف ہیں لاکھوں
وہ میں ہوں جو شرمندۂ احساں نہیں ہوتا
مر کر بھی تو ارمان رہے خانۂ دل میں
برباد ہوئے پر بھی یہ ویراں نہیں ہوتا
اتنی بھی کسی بات پر یوں ہٹ نہیں کرتے
اتنا بھی بس انکار مری جاں نہیں ہوتا
ہے جوشِ جنوں میں بھی یہ اخفائے محبت
سینہ کی طرح چاک گریباں نہیں ہوتا
دیکھی نہ سنی ایسی قیامت کی جدائی
دل میں بھی تو کوئی شبِ ہجراں نہیں ہوتا
احباب جدائی میں نہ دیں مجھ کو تسلی
میں غیر کا منت کشِ احساں نہیں ہوتا

بیخودؔ کے گناہوں کی تو گنتی ہی نہیں ہے
اب بھی تو یہ کمبخت پریشاں نہیں ہوتا

پچھلا کلام | اگلا کلام

شاعر کا مزید کلام