اے زہے مرتبہ و شان رسول عربیؐ

خود خدا بھی ہے ثنا خوان رسول عربیؐ

دیکھ سکتی ہے نظر جلوۂ عرفانِ خدا

دل کو ہو جائے جو عرفانِ رسول عربیؐ

بندگی میں بھی وہ آزادیٔ انساں کے امیں

کسی نے دیکھے ہے غلامانِ رسول عربیؐ

اُن کے مرہونِ کرم ہم سے گنہگار بھی ہیں

کسی قدر عام ہے فیضانِ رسول عربیؐ

ہم کو خورشیدِ قیامت کا نہیں ڈر کوئی

ہم پہ ہے سایۂ دامان رسول عربیؐ

دولتیں کون و مکاں کی ہیں انہی کو تو نصیب

وہ جو ہیں بے سر و سامان رسول عربیؐ

سادہ لفظوں میں ہے اظہارِ عقیدت مخمورؔ

کب مرے شعر ہیں شایان رسول عربیؐ