حمدنعتغزلنظمقطعاتترانےمناجاتبزم مزاحگیت
فہرست ردیف
منتخب کلام کی ردیف کے آخری حرف کی ترتیب پر فہرست

ہم بزرگوں کی آن چھوڑ آئے

غزل| ندیم ماہؔر انتخاب| بزم سخن

ہم بزرگوں کی آن چھوڑ آئے
خاندانی مکان چھوڑ آئے
اس قبیلے میں سارے گونگے تھے
ہم جہاں پر زبان چھوڑ آئے
اس کا دروازہ بند پایا تو
دستکوں کے نشان چھوڑ آئے
روٹی کپڑے مکان کی خاطر
روٹی کپڑا مکان چھوڑ آئے
ایک اس کو تلاش کرنے میں
ہم زمیں آسمان چھوڑ آئے
اب سفر ہے یقین کی جانب
وسوسے اور گمان چھوڑ آئے

پچھلا کلام | اگلا کلام

شاعر کا مزید کلام