حمدنعتغزلنظمقطعاتترانےمناجاتبزم مزاحگیت
فہرست ردیف
منتخب کلام کی ردیف کے آخری حرف کی ترتیب پر فہرست

ہم دل جلوں کو ائے بتِ نا مہرباں چھیڑ

غزل| تلوک چند محروؔم انتخاب| بزم سخن

ہم دل جلوں کو ائے بتِ نا مہرباں نہ چھیڑ
بھڑکے گا اور شعلۂ سوزِ نہاں نہ چھیڑ
صیاد اور خزاں کے ستم اس پہ کم نہیں
تو عندلیبِ زار کو اے باغباں نہ چھیڑ
ہے ہے کسی کی بزم مجھے یاد آ گئی
واعظ خدا کے واسطے ذکرِ جناں نہ چھیڑ
دنیا میں اے زباں روش صلح کل نہ چھوڑ
جس سے کسی کو رنج ہو ایسا بیاں نہ چھیڑ
ہمدم کہیں نہ حسرتِ خوابیدہ جاگ اٹھے
ایامِ حسن و عشق کی پھر داستاں نہ چھیڑ
ہے خاتمہ قریب جوانی کی رات کا
محروؔم پھر فسانۂ زلفِ بتاں نہ چھیڑ

پچھلا کلام | اگلا کلام

شاعر کا مزید کلام