حمد نعت غزل نظم قطعات ترانے مناجات بزم مزاح گیت

فہرست ردیف

منتخب کلام کی ردیف کے آخری حرف کی ترتیب پر فہرست

ہاتھ آ کر لگا گیا کوئی

غزل| کیفیؔ اعظمی انتخاب| بزم سخن

ہاتھ آ کر لگا گیا کوئی

میرا چھپر اٹھا گیا کوئی

لگ گیا اک مشین میں میں بھی

شہر میں لے کے آ گیا کوئی

میں کھڑا تھا کہ پیٹھ پر میری

اشتہار اک لگا گیا کوئی

وہ گئے جب سے ایسا لگتا ہے

چھوٹا موٹا خدا گیا کوئی

یہ صدی دھوپ کو ترستی ہے

جیسے سورج کو کھا گیا کوئی

ایسی مہنگائی ہے کہ چہرہ بھی

بیچ کے اپنا کھا گیا کوئی

اب وہ ارمان ہیں نہ وہ سپنے

سب کبوتر اڑا گیا کوئی

میرا بچپن بھی ساتھ لے آیا

گاؤں سے جب بھی آ گیا کوئی

پچھلا کلام | اگلا کلام

شاعر کا مزید کلام

ہاتھ آ کر لگا گیا کوئی

کی ہے کوئی حسین خطا ہر خطا کے ساتھ

وہ بھی سراہنے لگے اربابِ فن کے بعد

بس اک جھجھک ہے یہی حالِ دل سنانے میں

لائی پھر اک لغزشِ مستانہ تیرے شہر میں