حمد نعت غزل نظم قطعات ترانے مناجات بزم مزاح گیت

فہرست ردیف

منتخب کلام کی ردیف کے آخری حرف کی ترتیب پر فہرست

میرے سینے پر وہ سر رکھے ہوئے سوتا رہا

غزل| ڈاکٹر بشیر بدرؔ انتخاب| بزم سخن

میرے سینے پر وہ سر رکھے ہوئے سوتا رہا

جانے کیا تھی بات میں جاگا کیا روتا رہا

شبنمی میں دھوپ کی جیسے وطن کا خواب تھا

لوگ یہ سمجھے میں سبزے پر پڑا سوتا رہا

وادیوں میں گاہ اترا اور کبھی پربت چڑھا

بوجھ سا اک دل پہ رکھا ہے جسے ڈھوتا رہا

گاہ پانی ، گاہ شبنم اور کبھی خوناب سے

ایک ہی تھا داغ سینے میں جسے دھوتا رہا

پوچھنے والوں نے آ کر حالِ دل پوچھا مگر

درد جس پہلو سے ہوتا تھا جہاں ہوتا رہا

اک ہوائے بے تکاں سے آخرش مرجھا گیا

زندگی بھر جو محبت کے شجر بوتا رہا

رونے والوں نے اٹھا رکھا تھا گھر سر پہ مگر

عمر بھر کا جاگنے والا پڑا سوتا رہا

رات کی پلکوں پہ تاروں کی طرح جاگا کیا

صبح کی آنکھوں میں شبنم کی طرح روتا رہا

روشنی کو رنگ کر کے لے گئے جس رات لوگ

کوئی سایہ میرے کمرے میں چھپا روتا رہا

پچھلا کلام | اگلا کلام

شاعر کا مزید کلام

جہاں پیڑ پر چار دانے لگے

دھوپ کے پار ستاروں کا نگر لگتا ہے

اداس رات ہے کوئی تو خواب دے جاؤ

پرکھنا مت پرکھنے میں کوئی اپنا نہیں رہتا

وہ غزل والوں کا اسلوب سمجھتے ہوں گے