آسیؔ غازی پوری

محمد عبد العلیم آسی غازی پوری

اردو کے ممتاز ترین شاعر آسی غازی پوری کا اصل نام محمد عبد العلیم اور تاریخی نام ظہور الحق تھا ، آپ پہلے عاصیؔ تخلص کے ساتھ روایتی غزلیں کہتے تھے پھر آپ نے آسیؔ تخلص اختیار کیا اور آسی غازی پوری کے نام سے مشہور ہوئے۔

آپ کی پیدائش 19/ شعبان المعظم 1250ھ (21/ دسمبر 1834ء) کو سکندر پور ضلع بلیا ریاست اترپردیش میں ہوئی ، آپ نے اپنی ابتدائی تعلیم اپنے نانا مفتی احسان علی صاحب سے حاصل کی ، اس کے بعد جونپور چلے آئے جہاں مولانا عبد الحلیم فرنگی محلی سے تعلیم حاصل کی ، آپ علم طب میں اپنے ذوق اور ذاتی مطالعے کی بناء پر ماہر طبیب کی حیثیت بھی رکھتے تھے ، آپ نے شعر و ادب کی موزوں طبیعت پائی تھی اسی لئے زمانۂ طالب علمی ہی سے شعر و سخن میں دلچسپی ہونے لگی جو مشہور شاعر ناسخؔ کے شاگرد شاہ غلام اعظم افؔضل الہ آبادی کے مشورۂ سخن سے مزید نکھرتی گئی ، آپ عاصیؔ تخلص کے ساتھ غزلیں کہنے لگے لیکن جلد ہی آسیؔ تخلص اختیار کیا اور صاحب کمال شاعر ہونے کے ساتھ ساتھ استاد شاعر کا بھی درجہ حاصل کیا ، اس طرح "عین المعارف" کے نام سے آپ کا دیوان بھی شائع ہوا ، آپ 02/ جمادی الاولی 1335ھ مطابق 02/ فروری 1917ء کو غازی پور میں انتقال کر گئے۔ (تصویر / اردوکلاسک فیس بک)

---

آسیؔ غازی پوری کا منتخب کلام

• وہاں پہنچ کے یہ کہنا صبا سلام کے بعد
• پسند آیا تو لے لو دل ہمارا