یوں آگئی شوخی بھی اب اُس کی اداؤں میں

جیسے کہ بہار آئے گلشن کی فضاؤں میں

خوابوں کے دریچہ میں اب فصلِ بہاراں ہے

بیٹھا ہے یہ کون آ کر ان پلکوں کی چھاؤں میں

تو حسنِ مجسم ہے تو حسنِ مکمل ہے

تیرا ہی تبسم ہے رنگین فضاؤں میں

یہ اُس کی نوازش ہے یہ اُس کی عنایت ہے

پاتا ہوں ثر اپنی جو آج دعاؤں میں

اُن کے رخِ روشن پر لہرانے لگے گیسو

یا چاند چھپا جا کر گھنگھورگھٹاؤں میں

خوشبو سے معطر ہیں راہیں مری الفت کی

پاتا ہوں مہک کس کی میں آج فضاؤں میں

ہے یادِ چمن اب بھی سینے میں نسیمؔ اس کے

جو پھول کہ بکھرا ہے ان تیز ہواؤں میں