طوفانِ حوادث میں ساقی کچھ لمحے شان سے جی جاؤں

ہاں عشق کی تلخی سہہ جاؤں ہاں موت کا ساغر پی جاؤں

ایک روز تو رازِ عشق مرا ہو جائے گا رسوا ائے ہمدم

تا چند میں آہیں ضبط کروں تا چند میں آنسو پی جاؤں

مایوس تو ہوں میں جینے سے لیکن یہ خیال ہے لوگوں کا

تم آؤ تو شاید جی اٹھوں تم آؤ تو شاید جی جاؤں

اے کاش میں اُس شب مر جاتا جب اُس نے کہا تھا رو رو کر

یہ زہر کا ساغر تم نہ پیو لاؤ تو اسے میں پی جاؤں

اس جور و جفا کی بستی میں آیا تھا میں اس مقصد کے لئے

کچھ غم کے تھپیڑے کھا جاؤں کچھ زہر کے ساغر پی جاؤں