سمومِ کرب سے جھلسی کلی معلوم ہوتی ہے

چمن میں اب تو ہر سو بے کلی معلوم ہوتی ہے

نگاہ و قلب میں ہو گر بسی بوئے گلِ جاناں

تو پھر کیفِ فراواں زندگی معلوم ہوتی ہے

ابھی تک موجِ دریا کے سہارے میری کشتی تھی

خضر آئے تو کشتی ڈوبتی معلوم ہوتی ہے

بدل کس نے دیا آئینِ میکش مے کدہ ساقی

جہاں میں اب تو ہر شے اجنبی معلوم ہوتی ہے

ترے ایماء ہی پہ آئے تھے ہم میخانہ ائے ساقی

مگر جلوؤں میں چاہت کی کمی معلوم ہوتی ہے

نہیں شکوہ خزاوؤں کو چمن میں ائے چمن والو

بہاروں میں بھی اب تیرہ شبی معلوم ہوتی ہے

خرد نے عقلِ کل سمجھا تھا دلبر جب کو جانا تھا

محض فن کار کی وہ آزری معلوم ہوتی ہے

کہاں تک داستانِ غم سناؤں تجھ کو ائے فیصلؔ

کہ اس سے بھی تو اب شرمندگی معلوم ہوتی ہے