حمدنعتغزلنظمقطعاتترانےمناجاتبزم مزاحگیتادب اطفالرباعیآزاد نظم
فہرست ردیف
منتخب کلام کی ردیف کے آخری حرف کی ترتیب پر فہرست

‏شور ہے ہر طرف سحاب سحاب

غزل| کشفیؔ ملتانی انتخاب| بزم سخن

‏شور ہے ہر طرف سحاب سحاب
ساقیا ساقیا شراب شراب
آبِ حیواں کو مَے سے کیا نسبت
پانی پانی ہے اور شراب شراب
رند بخشے گئے قیامت میں
شیخ کہتا رہا حساب حساب
اک وہی مستِ باخبر نکلا
جس کو کہتے تھے سب خراب خراب
مجھ سے وجہِ گناہ جب پوچھی
سر جھکا کے کہا شباب شباب
جام گرنے لگا تو بہکا شیخ
تھامنا تھامنا کتاب کتاب
کب وہ آتا ہے سامنے کشفیؔ
جس کی ہر اک ادا حجاب حجاب

پچھلا کلام | اگلا کلام

شاعر کا مزید کلام